Фінал гарадскога конкурсу сярод настаўнікаў прайшоў у Палацы дзяцей і моладзі

Дадатковая адукацыя - у лічбе! Фінал гарадскога конкурсу сярод настаўнікаў сёння прайшоў у Палацы дзяцей і моладзі. Найлепшыя відэавізіткі распрацовак і міні-прэзентацыі дэманстравалі на сцэне аўтарскія калектывы, у тым ліку, расказвалі аб сучасных лічбавых інструментах і магчымасцях сацсетак у штодзённай працы з вучнямі. Так, настаўнікі дадатковай адукацыі распрацоўвалі анлайн-маршруты па славутасцях і музеях Мінска, пісалі сцэнарыі і рэжысіравалі відэаролікі, дапаўнялі сайты новым функцыяналам і адметным вэб-дызайнам.

Сёлета журы адзначыла прызавымі месцамі 15 удзельнікаў - па тры пераможцы ў кожнай конкурснай намінацыі. Пасля афіцыйнай часткі калегі змаглі падзяліцца уласным вопытам і даць кансультацыю тым, хто плануе лічбавыя інтэграцыі ў сваёй працы. Дарэчы, у Мінску зараз функцыянуюць больш за 20 устаноў для пазашкольнага развіцця дзяцей і моладзі.