Фіналісткі конкурсу прыгажосці "Міс Беларусь" з роднымі і блізкімі сталі гасцямі Палаца Незалежнасці

Самыя прыгожыя дзяўчаты краіны і тыя, каму яны гэтай прыгажосцю абавязаныя, (іх бацькі і блізкія) сёння па запрашэнні Прэзідэнта сталі гасцямі Палаца Незалежнасці. З сімвалам беларускай дзяржаўнасці і суверэнітэту фіналістак конкурсу "Міс Беларусь" знаёміла прэс-сакратар Прэзідэнта Наталля Эйсмант. Пачалі з залы ўрачыстых цырымоній. Яна самая маштабная і змяшчальная ў палацы. Там праходзяць найбольш знакавыя мерапрыемствы з удзелам кіраўніка дзяржавы. Там жа на тыдні адкрылася выстава да Дня народнага адзінства. Дзяўчаты з задавальненнем разглядалі нацыянальнае адзенне з вышыўкай. У падобных касцюмах яны выходзілі на сцэну конкурсу прыгажосці. Тады гэта, дарэчы, было адным з самых прыгожых і відовішчных дэфіле.

Зялёная, дзе засядала "нармандская чацвёрка", зала дзяржузнагарод, зімовы сад - гэтыя месцы асабліва адзначылі беларускія прыгажуні. Мноства фота на фоне ўнікальных люстр, хрусталю, ля трыбун. Словам, на адным здымку канцэнтрацыя прыгажосці. А яе, як вядома, шмат не бывае.