"Галасы зместа" далі першы сольнік у Мінску

Тое, што адбываецца ў нашай краіне, не пакідае ўбаку ніводнага беларуса. Не маўчыць і творчасць. Народная група, якая менш чым за паўгода зняла з рока клішэ пратэстнай музыкі, дала канцэрт у Мінску. "Галасы зместа" - назва ў музычным жыцці Беларусі новая, але з-за актуальнасці тэкстаў ужо ўвайшла ў топы беларускага YouTube.

Перакладчык з кітайскай, дзіцячы псіхолаг і прафесійныя музыканты - дарэчы, усе з Баранавіч - вырашылі выказаць сваю грамадзянскую пазіцыю. Праўда, не на вуліцы з лозунгамі, а музычнай сатырай на інтэрнэт-пляцоўках. Сачыненняў на злобу дня аб апазіцыянерах, якія "ў Прыбалтыцы сядзяць", і квэстаў пад кодавай назвай "мірны пратэст" сабралася ўжо пад два дзясяткі. І вось сёння ўпершыню іранічныя аўтарскія песні з палітычным падтэкстам выйшлі на афлайн-сцэну. Прычым сваё меркаванне "з глыбінкі" агучылі ў Купалаўскім тэатры. Жывое і адкрытае выкананне ўспрынялася з першай песні з авацыямі.

Кожны трэк - з доляй жарту і сарказму, і гэта зразумела: у маладосці ўдзельнікі групы ігралі ў Вышэйшай лізе КВЗ. Нядаўна ў групы з'явіўся і афіцыйны сайт з відэа і тэкстамі песень.