Гомельская арганізацыя Беларускага Чырвонага Крыжа - лепшая ў краіне

Справа жыцця - дапамагаць людзям. Па выніках мінулага года Гомельская абласная арганізацыя Беларускага Чырвонага Крыжа прызнаная лепшай у краіне. Ганаровае першынство гомельскія валанцёры заваёўваюць другі год запар. У 2022-м арганізацыя прыняла сур'ёзны выклік: з першых дзён ваеннай спецаперацыі дапамагала ўкраінскім мігрантам - забяспечвала іх жыллём, харчаваннем, вырашала пытанні працаўладкавання і медыцынскага абслугоўвання. За мінулы перыяд аб'яднанне адкрыла навучальны цэнтр па аказанні першай дапамогі, тры дзіцячыя пляцоўкі, набыла спецтранспарт для абласнога Дома дзіцяці.

За 2022 год у рамках Гомельскага абласнога аб'яднання Чырвонага Крыжа адкрыліся 16 пярвічных арганізацый. Усяго ў рэгіёне амаль 203 тысячы валанцёраў таварыства. Дарэчы, 15 % ад насельніцтва вобласці.