Інтэрактыўныя ўрокі беларускай мовы "Праз слова - да пазнання нашай гісторыі" праходзяць у сталічных школах

Што такое талака, колькі назваў у старажытнасці меў месяц май, і як разам з беларускімі словамі ў лексіцы жывуць запазычаныя. Інтэрактыўныя ўрокі беларускай мовы праходзяць у сталічных школах. Так, у рамках праекта "Праз слова - да пазнання нашай гісторыі" ў гімназіі № 12 Мінска займальныя і пазнавальныя заняткі з вучнямі старэйшых класаў правёў аўтар шматлікіх навукова-папулярных і вучэбных выданняў па беларускай мове - загадчык кафедры рэдакцыйна-выдавецкіх тэхналогій БДТУ Уладзімір Куліковіч. У форме віктарыны школьнікі адказвалі на няпростыя лінгвістычныя пытанні, рашалі задачы па граматыцы.

Менавіта такое паглыбленне ў лінгвістычную сферу, а таксама майстэрства выдавецтва дапаможа многім будучым абітурыентам вызначыцца са сваёй прафесіяй.