Вынікі XXXIII "Славянскага базару ў Віцебску": што атрымалася ўпісаць у гістарычны летапіс фестывалю і як на працягу тыдня будавалі масты да міру і стварэння
Усе рэкорды, у тым ліку і тэлевізійныя, сёлета пабіў Міжнародны фестываль "Славянскі базар". Легендарны, самы маштабны на ўсёй постсавецкай прасторы форум мастацтваў адгрымеў у паўночнай сталіцы Беларусі!
Цырымонію адкрыцця глядзелі больш як 545 тысяч чалавек. Тэлеканал "Беларусь 1" у чацвер стаў абсалютным лідарам прайм-тайма з доляй 27.3 і самым папулярным тэлеканалам у краіне. Гэта самая рэйтынгавая трансляцыя за апошнія 4 гады.
А тэлетрансляцыя гала-канцэрта Саюзнай дзяржавы зноў зрабіла "Беларусь 1" лідарам прайм-тайма пятніцы. Канцэрт "Народнае братэрства даражэй за ўсякае багацце" паглядзелі амаль паўмільёна чалавек. Доля склала 18.8, ахоп 496 тысяч - гэта 7 % гарадскога насельніцтва 4+.
І яшчэ некалькі лічбаў, па якіх стане зразумелы маштаб "Славянскага базару - 2024":
Яго ўдзельнікамі сталі 7 тысяч чалавек з 42 краін свету! Паўтысячы журналістаў на працягу тыдня асвятлялі больш за сотню падзей васільковага форуму, за іх працай сачылі каля 11 мільёнаў інтэрнэт-карыстальнікаў са 120 дзяржаў!
Нашы беларусы на зорным небасхіле "Славянкі" не засталіся незаўважанымі! Злата Ярашэвіч з Пастаўскага раёна ўзяла бронзу на XXII Міжнародным дзіцячым музычным конкурсе. Гран-пры дзіцячага конкурсу сёлета заваявала выканаўца з Узбекістана Ясміна Хуснідзінава, а 1-я і 2-я прэміі з'язджаюць на Мальту і ў Казахстан.
І да апошняга моманту захоўвалася галоўная інтрыга фестывалю, хто ж стане лепшым на конкурсе выканаўцаў эстраднай песні. У выніку ўладальніцай Гран-пры прызнаная Караліна Балан з Малдовы. Выканаўцы з Казахстана, Італіі і Расіі вязуць з сабой дыпломы 1-й і 2-й ступені. Наш Валерый Чучман з Нясвіжа - на трэцім месцы ў вакальным батле - разам з прадстаўніцай Балгарыі.
Падрабязнасці ў Кацярыны Страхі (відэа).