Івацэвічы сустракаюць XXXI Дзень беларускай пісьменнасці. Раскажам,чым здзівіць горад

Сёння XXXI Дзень беларускай пісьменнасці сустракае гасцей у Івацэвічах. Свята стала народным сімвалам яднання славян, умацаваннем духоўных каштоўнасцяў. Бо менавіта пісьменнасць аб'ядноўвае мінулае, сучаснасць і будучыню, захоўваючы сувязь пакаленняў як найвялікшы скарб.

Гэты Дзень беларускай пісьменнасці пройдзе пад знакам найважнейшых юбілейных дат - 80-годдзя вызвалення Беларусі ад фашыстаў, 30-годдзя інстытута Прэзідэнцтва і 30-годдзя Канстытуцыі. Таксама ў мерапрыемствах адаб'ецца тэматыка Года якасці.

Карэспандэнты АТН правядуць гэтыя святочныя выхадныя разам з жыхарамі і гасцямі Івацэвічаў. Чым здзівіць горад сёння? Падрабязнасці ў Ганны Буйкевіч.

Сёння Івацэвічы сустракаюць XXXI Дзень беларускага пісьменства. На плошчы Леніна, дзе пройдуць асноўныя мерапрыемствы, шматлюдна з самага ранку. Усе ў прадчуванні грандыёзнага свята мовы.

Праграма ўключае больш за 70 мерапрыемстваў. Гэта фестывалі, выставы, прэзентацыі, сустрэчы з вядомымі людзьмі, спартыўныя баталіі і нават кінатэатр пад адкрытым небам, дзе ў тым ліку адбудзецца эксклюзіўны паказ дакументальнага фільма пра партызанскі рух у Івацэвіцкім раёне. Гэтай падзеі прысвецяць і вячэрнюю ваенна-гістарычную рэканструкцыю.

Па традыцыі да свята жыхары Івацэвічаў атрымаюць і падарункі. Сёння ў цэнтральнай раённай бальніцы адкрыюць кабінет камп'ютарнай тамаграфіі. А на базе 1-й школы горада - сучасную спартыўную пляцоўку. Раскрыюць інтрыгу і арт-аб'екта "Дзеці лясной школы". Асаблівым момантам свята роднага слова стане ўручэнне Нацыянальнай літаратурнай прэміі.

Мерапрыемствы будуць праходзіць на працягу ўсяго дня. І ў 22:00 неба над сталіцай XXXI Дня беларускага пісьменства размалюе феерверк. Завершыць першы дзень нацыянальнага форуму танцавальная праграма з удзелам артыстаў эстрады.