Да 85-годдзя Мінскай вобласці ўшаноўваюць прафесійныя дынастыі, ветэранаў і выдатнікаў працы

Да 85-годдзя цэнтральнага рэгіёна - урачысты чэлендж ад раёнаў Мінскай вобласці! У гэтыя юбілейныя дні свята ахапіла кожны горад. Сярод іх і Клецк. Пачалі праграму з ўшаноўвання сваіх герояў - прафесійных дынастый, ветэранаў і выдатнікаў працы. Два дзясяткі тытулаваных спецыялістаў з розных сфер дзейнасці - ад творчасці і адукацыі да медыцынскай і сельскагаспадарчай галіны. Гэтымі прафесіяналамі ганарацца не толькі землякі - увесь цэнтральны рэгіён. Узнагароды і кветкі - ад кіраўніцтва вобласці і раёна, музычныя і танцавальныя кампліменты - ад самабытных калектываў.

Для гасцей свята па-за канцэртнай сцэнай ладзілі імправізаваны музей з алеяй славы, прысвечанай таленавітым землякам, а таксама скарбамі народных умельцаў і школ мастацтваў. Ад паясоў з роднымі матывамі і ўзорамі да карцін з інкрустацыяй саломкай і роспісам па шкле.