Да звыклага графіка з панядзелка вернецца 11-я гарадская клінічная бальніца Мінска

Эпідсітуацыя ў Беларусі паступова паляпшаецца. Клінікі, якія раней перапрафіліравалі на прыём хворых COVID, вяртаюцца да стандартнага рэжыму працы.

Так, да звыклага графіка з панядзелка вернецца 11-я гарадская клінічная бальніца Мінска. Сёння там праходзіць санітарная апрацоўка памяшканняў. Установа аховы здароўя ў другую хвалю каранавіруса прымала інфіцыраваных з 31 кастрычніка.

За гэты час выпісана амаль паўтары тысячы пацыентаў. З іх 47 працэнтаў - гэта людзі старэйшыя за 50 гадоў і 17 працэнтаў - старэйшыя за 70. Для лячэння кавідных хворых было аддадзена 185 коек. Чатыры рэабілітацыйныя аддзяленні прымалі пацыентаў на далечванне.

Апрацоўку клінікі праводзіць санітарная станцыя Кастрычніцкага раёна.