Як Валожын рыхтуецца да абласнога фестывалю-кірмашу "Дажынкі-2024"

Больш за 40 кіламетраў новага дарожнага палатна, рэстаўрацыя гістарычных аб'ектаў і фасадаў жылых дамоў, а таксама азеляненне тэрыторый. Валожын рыхтуецца сустрэць абласны фестываль-кірмаш "Дажынкі-2024". Горад павінен стаць максімальна камфортным для жыхароў і гасцей. На гэтым зрабіў акцэнт губернатар цэнтральнага рэгіёна Аляксандр Турчын. Сёння пашыраная дэлегацыя ацаніла ход будаўнічых работ і гатоўнасць інфраструктуры. Маштабны апгрэйд Валожына закране таксама сістэму водазабеспячэння і замену цеплавых сетак.

Каб прыняць галоўнае свята хлебаробаў на высокім узроўні, асаблівую ўвагу нададуць і добраўпарадкаванню горада. У планах новыя пешаходныя дарожкі, скверы, абнаўленне вулічных фантанаў (на іх з'явіцца падсвечванне). Атмасферу створаць і з дапамогай малых архітэктурных формаў.