Канцэрт-рэквіем "Кожны трэці" аб'ядноўвае ўсю Беларусь. Мінск сустракае жыхароў Магілёўскай вобласці

Канцэрт - рэквіем "Кожны трэці" збірае ў Мінску прадстаўнікоў розных рэгіёнаў Беларусі.

Прысвечаную подзвігу і трагедыі беларускага народа ў Вялікай Айчыннай вайне фота- і кніжную выставу, а таксама канцэрт ужо ацанілі прадстаўнікі Брэсцкага, Віцебскага рэгіёнаў і Мінска. Напярэдадні свае ўражанні ад маштабнай праграмы, якая заклікае да захавання гістарычнай памяці і павагі да подзвігу продкаў, выказалі гродзенцы. Жыхары заходняга боку сабраліся ў сталіцы, каб сваімі вачамі ўбачыць і пачуць легендарны патрыятычны праект.

Сёння Мінск сустракае магіляўчан. Канцэрты памяці ў Палацы Рэспублікі ахопяць таксама гледачоў Мінскай і Гомельскай вобласці і прадоўжацца да 12 красавіка ўключна. "Ніхто не забыты, нішто не забыта" - праект "Кожны трэці" называюць вакцынай супраць нацызму і супраць фашызму. Ён заклікае памятаць пра мінулую вайну дзеля сучаснага і будучага міру.