Касцевіч: Беларускі асвойваюць новыя прафесіі, якія раней лічыліся выключна мужчынскімі

Беларускі асвойваюць новыя прафесіі, якія раней лічыліся выключна мужчынскімі і маюць поспех у іх, прычым павышаюць сваю кваліфікацыю на працягу свайго прафесійнага жыцця, імкнуцца ісці ў нагу з часам.

Аб гэтым распавяла старшыня Пастаяннай камісіі па працы і сацыяльных пытаннях Палаты прадстаўнікоў Нацыянальнага сходу Беларусі Ірына Касцевіч. Калі раней у спісе чыста мужчынскіх прафесій было іх не менш за 180, то ў 2022 годзе гэты спіс скараціўся ўдвая.

Ірына Касцевіч:

"Я лічу, што незалежна ад полу расці прафесійна трэба заўсёды. Нездарма ж ва ўсіх праграмных дакументах агучаны тэзіс "адукацыя праз усё жыццё". З тым, каб зрабіць кар'еру, кожны чалавек павінен над сабою працаваць. Але ў Беларусі жанчына, якая занята ў эканоміцы, больш адукаваная, чым мужчына".

Паводле слоў старшыні, гэтая інфармацыя ўзята зыходзячы з лічб. Зараз налічваецца 42 % занятых жанчын з вышэйшай адукацыяй. У мужчын усяго толькі 30 %, але ўсё-такі яны больш засяроджаны ў прамысловым сектары.

"Жанчына больш адукаваная пакуль на рынку працы, і каб адпавядаць гэтай адукацыі, атрыманай 20 або 30 гадоў назад, трэба сядзець за падручнікамі, нават у інтэрнэце і павышаць свой патэнцыял", - падкрэсліла эксперт.

Сёння ж сфера паслуг, ахова здароўя, адукацыя, грамадскае харчаванне маюць жаночы твар. Хоць апошнім часам, напрыклад, у рэстаранны бізнес прыходзіць і шмат мужчын.