Кіламетровыя фуд-корты, гандлёвыя рады, прэзентацыя беларускіх брэндаў і мерча Першага - Александрыя зноў збірае сяброў

Самы душэўны фестываль лета "Александрыя збірае сяброў" вось-вось адкрые канцэртныя пляцоўкі, пачнуць працаваць падворкі.

Сёлета прыедуць звыш 200 рамеснікаў з Беларусі і амаль сотня з Расіі (краіна-суседка прадставіць 22 рэгіёны). Будуць госці з Азіі - Узбекістана і Азербайджана.

Звыш кіламетра гандлёвых радоў і фуд-кортаў з пачастункамі, дзе прыгатуюць толькі шашлыка 2,5 тоны. Беларускія брэнды, а гэта ў тым ліку мерч Першага, вытворцы айчынных аўтамабіляў, гатовы расказаць пра навінкі. Шырока прадстаўлена і моладзевая пляцоўка.

Менавіта ў Александрыі на свяце Купалле стане вядома сям'я - уладальніца Гран-пры праекта "Уладар сяла". Напярэдадні адбыўся фінал. А яшчэ майстар-класы па варкаўце. Адкрыты сілавы турнір па паўэрліфтынгу. Цыркавая праграма і начная дыскатэка.