Кітайскую мову і культуру вывучаюць у Мінскім палацы дзяцей і моладзі

Сумесная ініцыятыва Мінскага палаца дзяцей і моладзі і Пасольства Кітайскай Народнай Рэспублікі. Вывучаць традыцыі, гісторыю і мову ўсходняй краіны могуць юныя паліглоты ва ўзросце ад 5 да 15 гадоў. Кітайскі клуб адкрыўся на пачатку гэтага навучальнага года. Тут пастаянна займаюцца каля 20 чалавек.

Усяго ў Мінскім палацы дзяцей і моладзі займаюцца каля сямі тысяч юных талентаў. Для іх працуюць больш за 8 соцень гурткоў, клубаў і секцый, у тым ліку творчага, тэхнічнага і спартыўнага кірунку.