3.74 BYN
2.89 BYN
3.37 BYN
Капыль - 28-я сталiца Дня беларускага пісьменства
Капыль разгортвае біяграфію Дня беларускага пісьменства. Нацыянальнае свята стане 28-м у гісторыі. Цытаваць класікаў і сучаснікаў вырашылі чацвёрты раз у Мінскай вобласці і выбралі радзіму 50-ці пісьменнікаў, навукоўцаў і літаратараў. Наш Прэзідэнт накіраваў прывітанне ўдзельнікам і гасцям Дня беларускага пісьменства.
Прывітанне ўдзельнікам і гасцям Дня беларускага пісьменства
"Сёлета, у Год народнага адзінства, свята праводзіцца на прыгожай Капыльшчыне, дзе нарадзіліся многія знакамітыя дзеячы Беларусі. У жыцці народа літаратура заўсёды была найважнейшым сродкам пазнання свету і выхавання асобы. Творчасць Максіма Багдановіча, Івана Шамякіна, Кандрата Крапівы, Івана Мележа і іншых айчынных пісьменнікаў і паэтаў, юбілеі якіх будуць адзначаныя падчас форуму, з'яўляецца невычэрпнай крыніцай нацыянальнага гонару. Дзякуючы нашым славутым класікам і новаму пакаленню таленавітай і патрыятычнай моладзі мы зберагаем гістарычную памяць беларускага народа, усталёўваем у грамадстве яго галоўныя каштоўнасці - сумленнасць, справядлівасць, талерантнасць, павагу да чалавека працы і вялікую любоў да роднай зямлі. Праўдзівае, адказнае і сумленнае роднае слова - залог кансалідацыі грамадства, на падмурку якога мы зможам і надалей паспяхова будаваць незалежную, моцную і квітнеючую краіну".
Сёння ў Капылі далі старт першым мерапрыемствам. Наша здымачная група напісала свой пралог свята ў эфірным фармаце. Матэрыял Лідзіі Заблоцкай.
Маленькi (і хай, на першы погляд, непрыметны на карце) Капыль грэх недаацэньваць. Узгорыстая сталіца Беларусі - чацвёртая па ўзросце. Старэйшыя за яе толькі Полацк, Тураў і Заслаўе. Тытул 28-й сталіцы Дня беларускага пісьменства маглі б насіць і Гарадок Віцебскай вобласці, і Давыд-Гарадок Брэсцкай. Але Капыль апынуўся мацнейшым за іх. Козыр - 50 сваіх ураджэнцаў, якія сталі класікамі айчыннай літаратуры.
Адна з наймацнейшых ваенных драм, якая да слёз и жаху ўразіла дзясяткі мільёнаў неабыякавых па ўсім свеце - у сцэнарыі ўраджэнца Капыльчшыны Алеся Адамовіча.
Тое, што абодва майстры мелі прамое дачыненне да горада, зараз будзе нагадваць не толькі "Вікіпедыя". Але і муралы. Мастацкімі палотнамі ўпрыгожылі будынкі горада.
У топе па наведвальнасці - філіял Белкнігі
Ператварылася і галоўная транспартная артэрыя Капыля ў кнігарню даўжынёй у паўтара кіламетра. Гэта адзін з брэндаў фестывалю. Сёння ў топе па наведвальнасці - філіял Белкнігі.
Часцей за ўсё прабівалі па касе сёння навучальныя рабочыя сшыткі і нашу класічную літаратуру. Прыемны факт: выданні на беларускай разлятаюцца са стэндаў хутчэй за міравыя бестселеры. Адзін з лідараў продажу за апошні год - "Залатыя правілы народнай культуры" ад этнографаў Акадэміі навук.
Дзень беларускага пісьменства
На фестывалі кнігі і прэсы ўжо сёння прэзентавалі 5 тэматычных павільёнаў. Так, у купале, прысвечаным памяці, апрабавалі інтэрактыўны праект "Партызаны Беларусі".
Друкаваныя арыгінальныя прывітанні з 30-х, музейныя рарытэты і свежы (толькі са станка) аўтарскі праект ад Уладзіміра Ліхадзедава ў павільёне, прысвечаным 17 верасня. Дзень народнага адзінства - загалоўнымі літарамі ў канцэпцыі фестывалю.
Эксклюзіўная арт-інсталяцыя - падарунак Капылю ад Саюза мастакоў
Каля раённага цэнтра культуры літаральна раскідалі алфавіт. І не для дэкарацыі. Эксклюзіўная арт-інсталяцыя - падарунак Капылю ад Саюза мастакоў краiны. 17 літар утварылі Алею пісьменнікаў раёна. Напрыклад "Р" - у гонар шасцi творцаў Капыльшчыны. Есць і цікавая інтэрактыўная рэч. Падносім камеру смартфона да QR-кода і вывучаем біяграфію і творы пісьменніка. Можна нікуды не спяшацца. Лiтаратурная чылаўт-зона - першая ў краiне.
Быў час сёння на перадышку і ў саміх літаратараў. Фактычна з кніжных паліц - адразу на поле. Футбольнае. За тыдзень сабралася каманда аматараў мяча і кінула выклік вучням сярэдняй школы № 2.
Адзінаццацікласнікі фактычна на роўных змагаліся з сапернікамі, старэйшы за іх мінімум у два разы. Разышліся ўсё ж па-таварыску - з лікам 6:6.
Рэкорд па працягласці сёння паставілі «Капыльскія чытанні». Прадстаўнікі Акадэміі навук і настаўнікі абменьваліся ведамі 4 гадзiны.
З багажом літаратурнага вопыту прыехаў у Капыль майстар міліцэйскага дэтэктыва Мікалай Чаргінец. Старшыня Беларускага саюза пісьменнікаў правёў літаратурны бенефіс.
І гэта толькі разагрэў. Галоўныя падзеі свята чакаем заўтра. На галоўнай сцэне ўжо прайшлі прагоны адкрыцця і закрыцця Дня беларускага пісьменства.
Чакае афіцыйнай прэзентацыі і майстар-гарбар. Правобразам для памятнага знака стаў Цішка Гартны - і невыпадкова. Сваю творчасць пачынаў таксама гарбаром. Так на адзін знак дабрабыту стане больш.