Кубракоў: Для гарантавання бяспекі ў Беларусі ёсць усе неабходныя сілы і сродкі, а галоўнае - падрыхтаваныя кадры

Для гарантавання бяспекі ў краіне ёсць усе неабходныя сілы і сродкі, а галоўнае - падрыхтаваныя кадры, сярод якіх у тым ліку выпускнікі профільных ВНУ. Гэта падкрэсліў міністр унутраных спраў падчас наведвання Магілёўскага інстытута МУС Беларусі, якому споўнілася 75 гадоў.

Іван Кубракоў таксама адзначыў, што сённяшнія курсанты, як і іх папярэднікі, разумеюць задачы і адказнасць, што кладуцца на іх плечы, усведамляюць усе рызыкі міліцэйскай прафесіі. І гэта гаворыць аб тым, што прафесарска-выкладчыцкі састаў са сваімі задачамі спраўляецца.

У асаблівы для ВНУ дзень ушанавалі памяць выпускнікоў, якія загінулі пры выкананні службовых абавязкаў. Таксама міністр уручыў узнагароды лепшым супрацоўнікам інстытута. І яркім фіналам стаў святочны канцэрт.