Лясное бортніцтва Беларусі і Польшчы пад апекай ЮНЕСКА

Лясное бортніцтва Беларусі і Польшчы зараз пад апекай ЮНЕСКА. Сумесная намінацыя была адобрана менш за гадзіну таму міжурадавым камітэтам па ахове нематэрыяльнай культурнай спадчыны. Упершыню ў гісторыі 15-я сесія праходзіць у рэжыме анлайн з-за складанай эпідсітуацыі. Лясное бортніцтва - гэта старажытны промысел, які захаваўся ў асобных раёнах нашай краіны да гэтага часу. А ў Польшчы гэта традыцыя перапынялася і сёння аднаўляецца. Лясных пчол разводзяць і ўтрымліваюць у штучных дуплах - борцях. Іх вырабляюць і размяшчаюць высока на дрэвах у лесе. У Беларусі элемент "Лясное бортніцтва Палесся" мае статус гісторыка-культурнай каштоўнасці.

Нагадаем, год таму Спіс нематэрыяльнай спадчыны ЮНЕСКА папоўніў палескі абрад "Юр’еўскі карагод". Таксама пад апекай сусветнай арганізацыі абрад "Калядныя цары" і Будслаўскі фэст.