Мамы, якія нарадзілі дзіця на Раство, прымалі віншаванні ў Барысаўскім радзільным доме

Падарыць радасць, дзіцячы смех і клопат. Набліжаецца да завяршэння дабрачынная акцыя "Нашы дзеці". Урачыстая і адначасова замілавальная падзея сёння адбылася ў Барысаўскім радзільным доме. Віншаванні прымалі 8 мам, якія нарадзілі дзіця на Раство. На свет з'явіліся 4 хлопчыкі і 4 дзяўчынкі. З карыснымі падарункамі і ўдзячнымі словамі да іх зазірнулі дэпутаты, прадстаўнікі Чырвонага Крыжа, а таксама Мітрапаліт Мінскі і Заслаўскі, Патрыяршы Экзарх усяе Беларусі, уладыка Веньямін.

Віншаванні жанчын, якія сталі маці ў асаблівыя святочныя дні, - добрая традыцыя для Барысава. Дарэчы, толькі ў гэтым годзе ў горадзе на Бярэзіне нарадзіліся амаль паўсотні немаўлят.