"Марафон адзінства" ў Наваполацку. Што арганізатары падрыхтавалі ў другі дзень?

14 студзеня ў Наваполацку працягнецца "Марафон адзінства".

Наперадзе адкрыццё выставы найбуйнейшага інфармагенцтва краіны - БЕЛТА і майстар-клас ад лепшых музыкантаў краіны Прэзідэнцкага аркестра - вечарам канцэрт у Палацы культуры "Нафтан".

Напярэдадні ў горадзе былі прадстаўлены дасягненні беларускіх навукоўцаў, прайшоў лекторый з удзелам паспяховых топ-менеджараў на дзяржпрадпрыемствах, міжцэхавыя сустрэчы партнёраў і нават канцэрты на флагманах нафтавай галіны Беларусі - "Поліміры" і "Нафтане". Спявалі і танцавалі ўсе! Вядучыя майстры нашай эстрады падрыхтавалі кампазіцыі, правераныя часам.

Нагадаем, Наваполацк стаў бонусным горадам у акцыі. Сюды "Марафон адзінства" прыйшоў па просьбах працаўнікоў.