Марафон мерапрыемстваў для школьнікаў на любы густ

У школьнікаў асеннія канікулы. Паводле традыцыі падрыхтаваны марафон мерапрыемстваў на любы густ. Мінскі палац дзяцей і моладзі запрашае на спаборніцтвы юных тэхнікаў і праграмістаў. Будучыя інжынеры прадэманструюць свае вынаходствы на гарадскім тыдні "Тэхнастарт". У рамках спаборніцтваў пройдуць першынство горада па запуску лятальных апаратаў і турнір па більярдзе.

На гэтым тыдні ў Палацы дзяцей і моладзі пройдзе конкурс на распрацоўку найлепшых камп'ютарных гульняў. Пераможцы гарадскога тура праз некалькі тыдняў прадэманструюць свае працы на рэспубліканскім этапе.