Мары ажыццяўляюцца - на экскурсіі ў Палацы Незалежнасці пабываў актыў Жыткавіцкага раёна

Незалежна ад сезона і часу года Палац Незалежнасці сардэчна прымае гасцей! На экскурсію прыехалі працаўнікі прадпрыемстваў і сацыяльнай сферы Жыткавіцкага раёна. Гэта рабочыя, інжынеры, медыкі, настаўнікі і загадчыкі гаспадарак - усяго больш як 110 чалавек. Характэрна, што падчас рабочай паездкі Прэзідэнта ў лістападзе мінулага года да яго звярнуўся старшыня Жыткавіцкага райвыканкама з просьбай паказаць актыву раёна галоўны будынак краіны. Зразумела, Аляксандр Лукашэнка просьбу пачуў (глядзіце відэа).