Мезенцаў: Згуртаваная партнёрская работа Беларусі і Расіі - лепшы адказ на санкцыі Захаду

Згуртаваная партнёрская работа Беларусі і Расіі, у тым ліку і ў касмічнай справе - лепшы адказ на санкцыі Захаду. Гэта адзначыў дзяржсакратар Саюзнай дзяржавы на палях Беларускага касмічнага кангрэса. Акцэнт мерапрыемства - на развіццё патэнцыялу і агульныя стратэгіі дзвюх краін. З расійскага боку звыш 40 удзельнікаў. Таксама Дзмітрый Мезенцаў паведаміў, што беларуская наземная касмічная інфраструктура паспяхова інтэгравана ў адзіную інфраструктуру дзяржкарпарацыі "Раскосмас". Гэта дазваляе сінхранізавацца і выходзіць на адзіныя стандарты працы.

Беларускія і расійскія навукоўцы зараз працуюць над стварэннем сумеснага касмічнага апарата дыстанцыйнага зандзіравання Зямлі. Яго асаблівасць у звышвысокім распазнаванні. Зараз ідзе этап яго праектавання і распрацоўка мэтавай апаратуры.