МЗС: Пагрозы жыццю пацярпелых у ДТЗ у Польшчы беларускіх турыстаў няма

Пагрозы жыццю пацярпелых у Польшчы беларускіх турыстаў няма. Аб гэтым паведамляе МЗС Беларусі.

Паводле інфармацыі, у выніку ДТЗ з аўтобусам з нашымі грамадзянамі сем чалавек атрымалі траўмы рознай ступені цяжару, трое з іх знаходзяцца ў дзвюх бальніцах Любліна.

Аварыя адбылася 21 студзеня. Аўтобус, які накіроўваўся з Беларусі ў Італію, перавярнуўся недалёка ад польскага населенага пункта Вандзін.