Мінск прымае медыцынскі саміт СНД, дзе краіны-ўдзельніцы дзеляцца вопытам барацьбы з COVID-19

Гэтымі днямі ў цэнтры ўвагі пытанні аховы здароўя. Мінск прымае вялікі саміт краін-удзельніц СНД. Пасяджэнне Савета па супрацоўніцтве ў галіне аховы здароўя, дзе сёлета старшынствуе Беларусь, праходзіць 34-ы раз. Удзельнікі - профільныя міністры і галоўныя дзяржаўныя санітарныя ўрачы. Прывітанне ім накіраваў Прэзідэнт Аляксандр Лукашэнка.

"Ваш савет адыгрывае важную ролю ва ўмацаванні і пашырэнні супрацоўніцтва ў сферы аховы здароўя на ўсёй прасторы СНД. І ў сённяшніх няпростых умовах каранавіруснай пандэміі на справе пацвердзіў сваю запатрабаванасць" - гаворыцца ў прывітанні.

Сітуацыя з каранавірусам напружаная. Чацвёртая хваля літаральна накрывае. Супрацьстаяць будзем разам - гэта рашэнне краін Садружнасці. Дэталі ў рэпартажы Юліі Рубцовай (відэа).