Мінская і Гродзенская вобласці выйшлі на пік захворванняў на каранавірус

На пік захворванняў на каранавірус выйшлі Мінскі і Гродзенскі рэгіёны. Аб гэтым у эксклюзіўным інтэрв'ю "Галоўнаму эфіру" заявіў выконваючы абавязкі міністра аховы здароўя Дзмітрый Піневіч. Гомельская, Віцебская і Магілёўская вобласці пакуль працягваюць прырастаць. Што датычыцца Брэсцкай, то тут колькасць захворванняў ніжэйшая ў параўнанні з іншымі рэгіёнамі.

Рэкамендацыі Міністэрства аховы здароўя па абавязковым масачным рэжыме захаваюцца да завяршэння эпідэмічнага працэсу. Па словах экспертаў, гэта, хутчэй за ўсё, да чэрвеня.