Мінскі каледж мастацтваў імя Глебава сёлета адкрыў новую спецыяльнасць - "мастацкая кераміка"

Развіваць і падтрымліваць традыцыі - першачарговая задача. Больш як 25 гадоў у Беларусі існуюць спецфонды пад асабістым патранажам кіраўніка дзяржавы, якія заахвочваюць юныя здольнасці. За гэтыя гады створаны глабальны банк даных - у спісе тысячы прозвішчаў, за якімі гісторыя перамог у рэспубліканскіх і міжнародных алімпіядах, творчых конкурсах і фестывалях. Гэта сістэма адбору і выяўлення талентаў будзе і надалей, але ўдасканаляцца якасць і механізмы заахвочванняў. Творчыя ВНУ зоймуцца павышэннем прэстыжу профільных спецыяльнасцяў. Дарэчы, пашыраецца і рынак прапаноў, так, напрыклад, Мінскі каледж мастацтваў імя Глебава сёлета адкрыў новую спецыяльнасць - "мастацкая кераміка".

Рэалізоўваючы некалькі гадоў таму праект, звязаны з адраджэннем, захаваннем нацыянальных рамёстваў, які быў падтрыманы спецфондам Прэзідэнта, мы здзейснілі некалькі экспедыцый у розныя куткі краіны, знаёмячыся з рознымі відамі народнай творчасці, у тым ліку з керамікай. Фонд дапамог нам набыць выдатнае абсталяванне для працы з глінай, з керамікай. Мы напрацавалі тэхналогіі, методыкі, матэрыяльную базу і сёлета адкрылі яшчэ адзін кірунак.

У наступным годзе прэстыжная ўстанова адзначыць 75-годдзе. Каледж па-ранейшаму трымае высокі конкурс. Напрыклад, на спецыяльнасць "дызайн" у гэтай уступнай кампаніі было 18 чалавек на месца.