Мітынг-рэквіем памяці ахвяр генацыду прайшоў у аграгарадку Доры

У Валожынскім раёне мірных жыхароў бяда напаткала 22 ліпеня 1943 года. Атрад карнікаў падзяліў вяскоўцаў на дзве часткі: адных адправілі на прымусовыя працы ў Германію, іншых - дзяцей, старых і жанчын - сагналі ў царкву, расстралялі, а потым падпалілі. Так, загінулі 146 чалавек, у тым ліку 36 непаўналетніх. Трое цудам ацалелі: схаваліся ў лесе, а пасля далучыліся да партызанаў. Усяго за пару дзён гітлераўцы знішчылі больш за 300 жыхароў вёскі. Сёння памяць аб загінуўшых ушанавалі хвілінай маўчання, да мемарыяльнага комплексу ўсклалі кветкі.

Адзначым, першы помнік на месцы спаленага храма з'явіўся ў 1957 годзе. Мемарыяльны комплекс адкрылі ў пачатку 90-х. Цэнтральная кампазіцыя "Загінуўшых чакаюць вечна" - манументальныя фігуры пяці жанчын.