Мадэрнізацыя аховы здароўя Беларусі завершыцца ў наступнай пяцігодцы

За наступную пяцігодку ў Беларусі будзе завершана мадэрнізацыя сістэмы аховы здароўя. Аб гэтым заявіў прэзідэнт Аляксандр Лукашэнка, наведваючы РНПЦ дзіцячай анкалогіі, гематалогіі і імуналогіі ў Бараўлянах. Візіт працягнуў серыю паездак кіраўніка дзяржавы па медустановах краіны. 31 снежня наведванне было асаблівым. Прэзідэнт наведаў юных пацыентаў, якім складаней за ўсіх. У сталічным цэнтры лечаць дзяцей і падлеткаў з усёй Беларусі. Аляксандр Лукашэнка азнаёміўся з працай цэнтра і пагутарыў з дзецьмі, якія лечацца ў клініцы, а таксама ўрачамі.

"Самі разумееце, Новы год - як я магу не павіншаваць вас і ўсіх, хто сёння лечыць людзей. Другое - дзеці. Я, вядома, вельмі хваляваўся - больш, чым за свае ранейшыя наведванні, таму што, калі дзіця хварэе, для мяне гэта непераносна. Але тым не менш гэта ж дзеці, нашы дзеці. Таму я вырашыў паглядзець, як вы іх лечыце, і на тыя ўмовы, у якіх вы знаходзіцеся. Для мяне было вельмі важна ўбачыць усё сваімі вачамі".

РНПЦ дзіцячай анкалогіі адкрылі ў 97-м годзе. Тут прымаюць пацыентаў з некалькіх дзясяткаў дзяржаў. Беларусам дапамога аказваецца бясплатна.