Магілёўскі раён прымае абласныя спаборніцтвы "Снежны снайпер"

Свята спорту і добрага настрою. Магілёўскі раён прымае абласныя спаборніцтвы сярод дзяцей і падлеткаў "Снежны снайпер" на прызы Прэзідэнцкага спартыўнага клуба. Гэта звычайныя школьнікі з глыбінкі, якія мараць пра спартыўную кар'еру. Увогуле звыш 270 юных біятланістаў выйдуць на дыстанцыі ад 600 м да 2,5 км на лыжаролернай трасе ў Палыкавічах.

Знайсці таленты сярод школьнікаў, якія не займаюцца ў спецыялізаваных навучальных установах, - галоўная мэта "Снежнага снайпера". За 16 гадоў спаборніцтвы сталі самымі папулярнымі сярод юных біятланістаў.