Мурал да 60-годдзя Беларускага студатрадаўскага руху адкрылі ў Мінску

Вернасць ідэям, традыцыям і братэрству. У Мінску адкрылі мурал да 60-годдзя Беларускага студатрадаўскага руху. Графіці з выявай сямі прадстаўнікоў - па ліку сфер, у якіх працуюць юнакі і дзяўчаты, з'явіліся ў Маскоўскім раёне сталіцы.

Ідэю стварыць мурал падтрымала кіраўніцтва БНТУ. Кожны год больш за паўтары тысячы студэнтаў гэтай ВНУ працуюць на гарадскіх і рэспубліканскіх праектах.

У Маскоўскім раёне створана больш за дзве сотні студатрадаў. У іх працуюць 3,5 тыс. маладых людзей. Набірацца вопыту яны адпраўляюцца на буйныя прадпрыемствы і арганізацыі сталіцы.