На Гомельскую вобласць абрынулася снежная бура
Аўтар:Рэдакцыя news.by
Раніцай 15 снежня на Гомельскую вобласць абрынулася снежная бура. Дарогі замяло, мноства ДТЗ. Адно з іх адбылося на трасе Рэчыца - Гомель. А на дарозе Гомель - Ветка сутыкнуліся грузавік і легкавік. Вадзіцель таксі не справіўся з кіраваннем і выехаў на паласу сустрэчнага руху. У выніку рухавік цяжкагруза загарэўся. Агонь ахапіў кабіну, яго патушылі ратавальнікі. Легкавік ад удару выкінула ў кювет. На жаль, яго вадзіцель загінуў.