На ліквідацыю наступстваў стыхіі падраздзяленні МНС Мінскай вобласці выязджалі 40 разоў за суткі

На ліквідацыю наступстваў стыхіі падраздзяленні байцоў МНС Мінскай вобласці выязджалі 40 разоў за мінулыя суткі. Распілоўка паваленых дрэў, разбор завалаў ад моцнага ветру і адпампоўванне вады ў раёнах з лакальнымі падтапленнямі. Таксама спецыялісты зафіксавалі тры пашкоджанні дахаў жылых дамоў і выязджалі на дапамогу жыхарам прыватнага сектара. Сумесна з ратавальнікамі працавалі ва ўзмоцненым рэжыме газавікі, лясная ахова і Дзяржаўтаінспекцыя.

Ратавальнікі працягваюць работы па аказанні аператыўнай дапамогі і вядуць маніторынг становішча па ўсім цэнтральным рэгіёне. МНС нагадвае, што ў выпадку экстраннай сітуацыі ў першую чаргу неабходна набраць па гарачым нумары 101 або 112.