На анлайн-канферэнцыі ў Нацыянальным прэс-цэнтры абмеркавалі актуальныя запыты рынку працы ў Беларусі

Сельскагаспадарчыя, педагагічныя і IT-спецыяльнасці. Актуальныя запыты рынку працы сёння абмеркавалі прадстаўнікі Міністэрства адукацыі. Анлайн-канферэнцыя адбылася ў Нацыянальным прэс-цэнтры.

Не спадае цікавасць да медыцынскіх спецыяльнасцяў. На ўзроўні прафтэхадукацыі запатрабаванасць шмат у чым залежыць ад рэгіёна. У топе па-ранейшаму застаюцца прафесіі ў сферах паслуг (цырульнік, кухар, вадзіцелі). У цэлым сёння дыяпазон спецыяльнасцяў даволі шырокі: 105 на ўзроўні ПТА і каля 190 на ўзроўні сярэдняй спецыяльнай адукацыі. Што датычыцца кваліфікацый, то і тут толькі на ўзроўні прафтэхадукацыі падрыхтоўка ахоплівае больш як 300 прафесій.

Паводле звестак Мінадукацыі, каля 110 тысяч чалавек навучаюцца на ўзроўні сярэдняй спецыяльнай адукацыі, каля 60 тысяч - прафесійна-тэхнічнай.