На палігоне МНС пад Барысавам праходзяць рэспублiканскiя спаборніцтвы для студэнтаў

Агнявы забег па паласе перашкод з рэальнымі спецэфектамі - дымам, полымем і пад'ём па пажарных лесвіцах. На палігоне пад Барысавам праходзяць спаборніцтвы для студэнтаў. Навучэнцы каледжаў і ВНУ з усёй краіны сталі лепшымі ў сваёй вобласці, а цяпер змагаюцца за званне самых хуткіх атлетаў-ратавальнікаў Беларусі. На старце 8 каманд, у кожнай па дзесяць пачаткоўцаў - юнакоў і дзяўчат. У праграме - праверка тэарэтычных ведаў і ўменне дзейнічаць у экстрэмальных ўмовах. Ілья Цвяткоў таксама асвоіў правілы выжывання.

Прайсці трэніровачную паласу перашкод ратавальнікаў з рэальнымі спецэфектамі ў выглядзе полымя і дыму і ў поўнай баявой экіпіроўцы - задача няпростая.

Масавы старт самых спартыўных і зараджаных на перамогу юнакоў і дзяўчат у рамках рэспубліканскага этапу спаборніцтваў па пажарным мнагабор'і пачаўся з вогненнага забегу.

На паласе каля дзесяці элементаў, праходжанне якіх вымушае развіваць максімальную хуткасць і дакладнасць рухаў. Без спартыўнай падрыхтоўкі, а таксама стратэгіі і каманднай работы атрымаць добры вынік немагчыма.

Правяраюць узровень фізічнай падрыхтоўкі і навыкі ў пажарнай справе і дзяўчаты нароўні з юнакамі. Умовы роўныя для ўсіх удзельнікаў каманды.

Згодна з праграмай, студэнтаў чакае адпрацоўка дзеянняў пры надзвычайнай сітуацыі тэхнагеннага характару, дапамога пацярпеламу на вадзе, тэставанне па медыцынскай падрыхтоўцы. Пасля праходжання ўсіх этапаў з 8 каманд выберуць лепшую па выніках агульнага заліку.

Бяспечныя старты будуць доўжыцца да 14 мая. Для маладых людзей гэта багаты вопыт і жыццёва важныя веды ў фармаце яркага вогненнага квэста. Акрамя таго і прафесійная арыентацыя. За час правядзення такіх забегаў больш чым 20 удзельнікаў звязалі сваё жыццё з працай у МНС.