3.72 BYN
2.85 BYN
3.39 BYN
На тэрыторыі Полацкага кадэцкага вучылішча адкрылі помнік Герою Беларусі Мікіту Куканенку
У Полацку адкрылі помнік Герою Беларусі Мікіту Куканенку. Ён сімвалізуе мужнасць і найвысокі ўзровень майстэрства, якія ў раёне Баранавіч праявілі лётчыкі Андрэй Нічыпарчык і Мікіта Куканенка, якія накіравалі самалёт далей ад жылых пабудоў і пазбеглі гібелі людзей.
Палёт 19 мая 2021 года стаў для іх апошнім. Мікіта Куканенка - выпускнік Полацкага кадэцкага вучылішча, менавіта таму было прынята рашэнне ўсталяваць помнік побач з кадэцкім корпусам. У вучылішчы створана экспазіцыя, якая таксама захоўвае памяць аб Героі Беларусі.
"Я рада, што горад памятае яго. Ён заўсёды ўсміхаўся, раіўся. Пытаўся: матуля, што зрабіць? Самае лепшае дзіця на свеце", - падзялілася ўспамінамі мама Героя Беларусі Мікіты Куканенкі Наталля Сівухіна.
Усталяваны гэты памятны знак, каб мы маглі яму пакланіцца, прачытаць на зваротным боку гісторыю подзвігу. Гэта з'яўляецца сімвалам патрыятызму, сімвалам гераічнасці. Ён, несумненна, будзе служыць для нашых хлопцаў і дзяўчат крыніцай адвагі імужнасці.
"Гэта даніна павагі чалавеку-патрыёту, Герою Беларусі, які цаной уласнага жыцця адвёў бяду. Я думаю, што гэты помнік арганічна ўпішацца ў тое гісторыка-культурнае асяроддзе, каб выхоўваць сапраўдных патрыётаў Беларусі", - сказаў старшыня ЦВК Беларусі Ігар Карпенка.
19 мая, у гадавіну трагедыі, у Полацку адкрыюць мемарыяльную дошку ў гонар легендарнага земляка.