40 дзяржаў з развітой эканомікай былі запрошаны на віртуальны экалагічны форум

Скараціць выкіды вуглякіслага газу, паскорыць адмову ад вугальнага генеравання, больш фінансаў накіраваць на навуковыя пошукі і падтрымку новых тэхналогій. Такія планы гучаць на саміце па клімаце. На віртуальны экалагічны форум, прымеркаваны да Дня Зямлі, ЗША запрасілі лідараў 40 дзяржаў з самай развітой эканомікай. Зносіны былі наладжаны з дапамогай тэлемастоў.

Віртуальны фармат не абышоўся без тэхнічных замешак

З невялікай кур'ёзнай сітуацыі пачалося выступленне прэзідэнта Расіі. Да яго выказваўся французскі лідар. Калі Макрон зрабіў паўзу ў прамове, вырашылі, што ён скончыў выступленне, і ў эфір вывелі Уладзіміра Пуціна. Пазней высветлілася, што Макрон гаварыў у запісе, які прыйшлося паўтарыць ужо пасля выступлення прэзідэнта Расіі. Саміт завершыцца сёння. А ў лістападзе ў Глазга пройдзе вялікі кліматычны саміт пад эгідай ААН.