Напярэдадні новага навучальнага года прафсаюзы правялі маніторынг цэн на ўвесь асартымент школьных тавараў

Маніторынг праходзіў у гандлёвых аб'ектах як дзяржаўнай, так і прыватнай формы ўласнасці. Увага надавалася ў першую чаргу цэнам на прадукцыю айчынных вытворцаў. У ФПБ адзначылі: у параўнанні з мінулым годам цаны падраслі прыкладна на 6 %, дзесьці на 10 %. У грашовым эквіваленце выдаткі павялічацца на 100, а то і больш рублёў. Найболей неабароненым сем'ям будзе аказаная грашовая дапамога.

Таксама ў шматлікіх калектыўных дагаворах прадпрыемстваў закладзеныя нормы па аказанні матэрыяльнай дапамогі бацькам, якія выхоўваюць дзяцей-школьнікаў.