"Нашы дзеці" ў Віцебскім кадэцкім вучылішчы

Амаль дарослая гутарка аб уроках гісторыі, узнагароды за поспехі ў вучобе і навуцы і, вядома, падарункі да Новага года. Адным адрасам рэспубліканскай дабрачыннай акцыі "Нашы дзеці" стала больш, выхаванцы Віцебскага кадэцкага вучылішча сёння сустракалі старшыню Дзяржаўнага камітэта па навуцы і тэхналогіях Аляксандра Шуміліна. Сяброўству гэтай навучальнай установы і камітэта ўжо 7 гадоў. За гэты час бібліятэка вучылішча папоўнілася рэдкімі кнігамі аб гісторыі Другой сусветнай вайны, развіцці тэхналогій і зброі. Багацейшай стала і матэрыяльна-тэхнічная база: сертыфікат на набыццё неабходнай тэхнікі Аляксандр Шумілін падарыў калектыву сёння.

У Віцебскім кадэцкім вучылішчы навучаюцца 275 юнакоў і дзяўчат. З адоранымі дзецьмі працуюць 50 педагогаў і выхавальнікаў. Сёлета каманда выхаванцаў вучылішча стала пяціразовым пераможцам рэспубліканскай інтэлектуальна-творчай алімпіяды "Патрыёт".