Непагадзь у Беларусі: адзін пацярпелы населены пункт, 91 выпадак падзення дрэў, 5 пашкоджаных аўтамабіляў і парушанае электразабеспячэнне

Навальніцы, ліўні і моцны вецер да 27 метраў за секунду: у Беларусі зноў непагадзь. Аранжавы ўзровень аб'явілі сіноптыкі. Навальнічны фронт пачаў накрываць краіну 28 ліпеня. Зараз ратавальнікі ліквідуюць наступствы яго праходжання. Пацярпеў населены пункт у Слонімскім раёне, пашкоджаны дах жылога дома. Зафіксаваны 91 выпадак падзення дрэў. Пашкоджаны 5 аўтамабіляў у Гродне і Мінску. Пацярпелых няма. Электразабеспячэнне за апошнія суткі парушалася ў 566 населеных пунктах Беларусі. Было абясточана звыш 1 800 трансфарматарных падстанцый, 38 ферм. Адключэнні зафіксаваныя пераважна ў Гродзенскай, Віцебскай, Мінскай, Гомельскай абласцях.