Новая ўрачэбная амбулаторыя запрацавала ў мікрараёне Лебядзіны

Новая ўрачэбная амбулаторыя адкрылася сёння ў сталічным мікрараёне Лебядзіны. Філіял 4-й гарадской паліклінікі пачне абслугоўваць больш за 17 тысяч мясцовых жыхароў. Прымаць пацыентаў усіх узростаў будуць урачы агульнай практыкі, сярод іх тэрапеўты, хірургі і педыятры. На ўрачыстай цырымоніі адкрыцця прысутнічала кіраўніцтва камітэта па ахове здароўя і прадстаўнікі адміністрацыі Цэнтральнага раёна Мінска.

Шасціпавярховая медустанова мае сучаснае абсталяванне: хірургічны, фізіятэрапеўтычны і рэнтген-кабінеты, а таксама лабараторыі і аперацыйную.