Навагодні баль у Палацы Незалежнасці

Бляск дыядэм на прыгожых прычосках, бальныя сукенкі да падлогі, чорныя фракі і мундзіры. Больш за 3 сотні самых элегантных і адораных прадстаўнікоў беларускай моладзі закруціліся сёння на навагоднім балі, які па традыцыі напярэдадні свят збірае Палац Незалежнасці.

Штораз баль прысвечаны традыцыям адной з еўрапейскіх краін. І сёння крыніцай натхнення стала наша Беларусь, высокія бальныя традыцыі зямлі беларускай налічваюць не адно стагоддзе. Юныя дамы і кавалеры нібыта перанесліся на некалькі стагоддзяў таму, калі нашы продкі з размахам праводзілі такія святы пад дахамі Мірскага і Нясвіжскага замкаў. На беларускіх землях балі сталі праводзіць з XVIII стагоддзі. Тады і ў нашы дні свецкі прыём праходзіў па ўсіх канонах.

Пары, якія кружацца ў танцы, - гэта лаўрэаты конкурсаў і прадметных алімпіяд, пераможцы міжнародных спаборніцтваў, стыпендыяты спецфондаў. Больш за сотню дэбютантаў. Ім выпаў гонар адкрыць баль паланэзам у суправаджэнні Прэзідэнцкага аркестра. Падрыхтоўка да святочнага дзейства (пастаноўка танцаў, вывучэнне этыкету) занялі два месяцы.

Першы рэспубліканскі навагодні баль адбыўся 2 гады таму, тады і адрадзілася адна з самых прыгожых танцавальных традыцый. Прэзідэнт, нягледзячы на рабочую загружанасць, заўсёды знаходзіць час, каб пагутарыць з тымі, хто будуе будучыню нашай краіны.

"Стагоддзямі беларуская зямля была пад нагамі чужынцаў", - зазначыў Прэзідэнт, успамінаючы гісторыю. Усё гэта было і не павінна паўтарыцца, калі мы хочам быць незалежнымі. Моладзь павінна пачуць голас розуму і сказаць дзякуй тым, хто захаваў краіну.

Прэзідэнт па традыцыі далучыўся да ўдзельнікаў мерапрыемства. Баль, як правіла, складаецца з дзвюх частак - класічнай і адвольнай. Для адвольнай часткі падрыхтавана спецыяльная джазавая праграма. Традыцыйна запланавана і выступленне зорак эстрады.