Новы беларускі электрамінівэн прыняў удзел у міжнародным марафоне "Ралі міру - 2019"

Праўда, пакуль як неафіцыйны ўдзельнік. Сёння ў Мінску на выпрабавальным палігоне Акадэміі навук для ўдзельнікаў міжнароднай гонкі наладзілі перадпаказ.

Мінск сёння прымае міжнародны марафон электрамабіляў "Ралі міру - 2019", які стартаваў у канцы мая ў Монтэ-Карла. У маршруце спаборніцтваў 30 этапаў. Тры з якіх праходзяць на тэрыторыі Беларусі. Удзельнікі адзначылі добрую інфраструктуру для зарадкі электрамабіляў у Беларусі. Дарэчы, каб перамагчы, трэба быць не хутчэй за ўсіх, а дакладней. Вынікі гонкі замяраюць адносна эталоннага часу праходжання маршруту.