Аб злачынных дзеяннях польскіх сілавікоў на мяжы бежанцы распавялі прадстаўнікам СААЗ

Аб злачынных дзеяннях польскіх сілавікоў на мяжы сёння бежанцы распавялі прадстаўнікам Сусветнай арганізацыі аховы здароўя, якія прыбылі ў часовы пункт размяшчэння ў ТЛЦ. Людзі ў роспачы гатовыя звяртацца па дапамогу да любога міжнароднага чыноўніка, у надзеі, што іх пачуюць і паўплываюць на пазіцыю Варшавы. Тое, што бежанцы трымаюць шлях у Германію (куды і іх клікалі), яны заяўлялі неаднаразова (сёння дзеці нават малявалі нямецкія флажкі). Але Польшча ўпарта імкнецца выкарыстаць людзей у якасці заложнікаў сваіх нерэалізаваных амбіцый, і працягвае бесчалавечна ставіцца да іх. Кадры жахлівага разгону на мяжы бежанцы сёння паказвалі чыноўнікам СААЗ з просьбай данесці ўсяму свету, што яны не бандыты, што выкарыстоўваць газ супраць жанчын і дзяцей - гэта злачынства.