А. Такун: Працаўнік афіцыйна зможа працаваць частку тыдня ў офісе, а астатнія дні - дыстанцыйна

Гнуткія формы занятасці прапішуць у Працоўным кодэксе. Працаўнік афіцыйна зможа працаваць частку тыдня ў офісе, а астатнія дні - дыстанцыйна. Беларусь стане адной з нямногіх краін, дзе гэта пытанне будзе ўрэгулявана заканадаўча. Аб гэтым у нашым эфіры расказаў начальнік упраўлення Міністэрства працы і сацыяльнай абароны Алег Такун. Сітуацыя на рынку працы ў краіне зараз стабільная, беспрацоўе - не больш за чатыры працэнты. Пры гэтым ёсць рэгіёны, дзе паказчыкі ніжэйшыя. Для кожнага з іх знойдуць свой рэцэпт аздараўлення.

Што датычыцца рэспубліканскага банка вакансій, у лідарах сярод пераваг наймальнікаў - рабочыя прафесіі.