ААН аб’явіла 8 і 9 мая днямі памяці ахвяр Другой сусветнай вайны

8 і 9 мая стануць днямі памяці ахвяр Другой сусветнай вайны - такую рэзалюцыю прыняла Генасамблея ААН. Ініцыятарам дакумента стала Расія. Сааўтарамі выступілі 9 краін: Беларусь, Кітай, Казахстан, Азербайджан, Арменія, Кыргызстан, Таджыкістан, Туркменістан і Узбекістан. Дарэчы, дарадчы орган прапанаваў правесці ўрачыстае пасяджэнне ў памяць аб усіх ахвярах вайны 1 снежня, бо ў маі з-за пандэміі гэтай магчымасці не было.