Органы ўнутраных спраў перайшлі на ўзмоцнены варыянт нясення службы падчас выбараў Прэзідэнта

У перыяд правядзення выбараў на ўзмоцнены варыянт нясення службы перайшлі супрацоўнікі органаў унутраных спраў.

У Віцебскай вобласці сфарміравана шэсць дзясяткаў аператыўных груп хуткага рэагавання, якія прыбудуць у выпадку паступлення сігналу. Напярэдадні праваахоўнікі абследавалі ўсе ўчасткі для галасавання. Яны будуць пад кругласутачнай аховай. На кожным задзейнічаюць дастатковую колькасць супрацоўнікаў міліцыі, кожны забяспечаны мабільным відэарэгістратарам. Таксама праваахоўнікі будуць неадкладна рэагаваць на правакацыі ў інтэрнэце.