Адкрыўся рух транспарту на ўчастку аўтамабільнай дарогі Р-76 Орша - Шклоў - Магілёў

Пасля капітальнага рамонту адкрыўся рух транспарту на ўчастку аўтамабільнай дарогі Р-76 Орша - Шклоў - Магілёў. Палепшана дарожнае пакрыццё, зроблены насыпы, умацаваны абочыны. Каб не дапусціць размыцця адхонаў, прымянілі тэхналогію геарашотак. Другое жыццё атрымаў мост цераз раку Адроў. Пераправа, пабудаваная ў 1967 годзе, патрабавала тэрміновай мадэрнізацыі. Абноўлены мост стаў шырэйшым. У вёсцы Чэрвіне, размешчанай на трасе Р-76, заасфальтаваны з'езды да дамоў і сумежных вуліц, а таксама змяніліся прыпыначныя пункты. Там усталяваны павільёны закрытага тыпу.

На бягучы рамонт і ўтрыманне вулічна-дарожнай сеткі ў Оршы і раёне сёлета выдаткавана звыш 6 мільёнаў рублёў.