Пагоня за дрэўным фрэшам: дзе ў Мінску можна набыць бярозавік

Тэма, якая выклікае ажыятаж у сацсетках, - бярозавік. Яго сезон у самым разгары, таму на пунктах продажу тоўпяцца дзясяткі людзей, а ў роліках паказваюць правілы збору і падрыхтоўкі прыроднага эліксіру.

Пакупнікі шануюць дрэўны фрэш за натуральнасць і смак, а таксама за магчымасць прымянення ў кулінарыі, народным лячэнні і нават касметалогіі.

Халаднік, сарбет, квас, нават рыба - і ўсё гэта можна прыгатаваць на аснове бярозавіка.

Каб паспець сабраць жыватворны напой, ёсць літаральна некалькі тыдняў, пакуль дрэва не пачне пускаць пупышкі. Столькі ж па часе і прадаюць сок, таму хтосьці закупляецца дзясяткамі пяцілітровых бутэлек і цэлымі каністрамі.

Пункты продажу дрэўнага фрэшу арганізаваны па Беларусі. Сок можна купіць і праз лясніцтва, а ў Мінску яго можна набыць у пяці месцах.

У Мінску арганізавана пяць пунктаў па рэалізацыі бярозавіка. Ёсць дзве гандлёвыя пляцоўкі на Ціміразева, 118, на Лагойскім тракце, 52, на вуліцы Баграціёна, 70. Таксама адзін пункт арганізаваны на вуліцы Левіна ў "Мінск-Міры" і каля гандлёвага цэнтра "Тытан" на праспекце Дзяржынскага. Лясгасы рэспублікі гатовыя ў поўным аб'ёме забяспечыць патрэбнасці як перапрацоўчых прадпрыемстваў, так і патрэбнасць насельніцтва.

Беларускі бярозавік падаюць да стала ў розных месцах свету - ад краін Еўрасаюза да Азіі, таму пакуль сезон, самы час запасіцца вітамінамі.