Палата прадстаўнікоў Беларусі прыняла шэраг найважнейшых законапраектаў

Выбарчы кодэкс, УНС, палітычныя партыі, грамадзянская супольнасць. Найважнейшыя законапраекты, якія мадэрнізуюць архітэктуру палітычнай сістэмы, прайшлі сёння праз сесію Палаты прадстаўнікоў.

У прыватнасці, прыняты ў першым і адразу ў другім чытанні законапраект, які прадугледжвае перарэгістрацыю палітычных партый. Вызначаны асноўныя мэты і задачы, абавязковыя для ўсіх партый. Усё гэта павінна адлюстроўвацца ў статутах. Важным момантам з'яўляецца абарона грамадска-палітычных структур ад спроб знешняга ўплыву. У выпадку пацвярджэння фактаў фінансавання партыі з-за мяжы Вярхоўны суд прымае рашэнне аб спыненні дзейнасці такой партыі.

Прыняты і Закон аб Усебеларускім народным сходзе. Гэта нацыянальны і ўнікальны вопыт прававога рэгулявання дзяржаўнага ўпарадкавання. УНС стане вышэйшым прадстаўнічым органам краіны.

Дэпутаты прынялі таксама абноўлены Выбарчы кодэкс, законапраект аб цывільным грамадстве. На разглядзе ў першым чытанні сёння быў і яшчэ шэраг цікавых законапраектаў. Адзін з іх можа стаць стымулам развіцця зялёнай эканомікі ў Беларусі. Другі накіраваны на прафілактыку наркаманіі і алкагалізму.