"Патрыёты Беларусі" здзейснілі аўтапрабег у гонар Дня яднання народаў Беларусі і Расіі

Асаблівую дату ў календары - Дзень яднання народаў Беларусі і Расіі - падтрымалі "Патрыёты Беларусі".

Прадстаўнікі рэспубліканскага грамадскага аб'яднання зноў у дарозе: напярэдадні адбылося адкрыццё сезона вясна-лета і наведванне знакавых мясцін на гісторыка-культурнай карце нашай краіны. І першы пункт на старце красавіка - сталічны мемарыял - могілкі ахвярам канцлагера "Шталаг 352" у мікрараёне Масюкоўшчына. Тут загінулі больш чым 80 тысяч палонных чырвонаармейцаў і мірных жыхароў.

Патрыёты ўсклалі кветкі да падножжа комплексу. Даведацца шмат фактаў з гісторыі (зараз і ў агучцы) можна будзе і дзякуючы таблічкам з QR-кодамі, якія ўсталёўваюць у мемарыялах па ўсёй Беларусі.